"Rhoihesse-Doc" - Hans-Gerald Forg

Jostes ihr Leit….
heit waas isch jo goarnet ibber was isch schreibe soll.
Abber Obacht emol. Ebe fällt mer ebbes oi.

Am Dunnerschtach kame widder oinische Patiente mit der rhoihessisch Kronkheid: „Eimerissesned…“.

Des hot jo Jahre moines Mediziner Doseins gebraucht, bis isch kabiert hunn was die vun mer wolle.
“Eimerissesned“ heeßt ibbersetzt soviel wie „ Ei Herr Dokter, mer isses net“ odder „Also Herr Doktor, mir ist es ganz anders, aber ich weiß nicht, wie ich es beschreiben soll….” dess gebt doch wenigschdens en Sinn.

Abber Sbass beiseit ihr Leit:
Die Kronkheid gebt es werklisch mit viele Symptome unn nennt sich „Wetterfühligkeit „.
Unn do gebts nix zu deutele…

Meischdens tritt des uff,  wann des Wetter scheener odder wärmer werdd.
Dorsch den Oifluss vun dem Luftdruck sinkt der Aussedruck uff unsern Körper.

Unnn was bassiert wonn de Druck nachlässt unn es wärmer werdd???

Rischtisch…, mer dehnt sisch aus unn genau des mecht donn die dicke Fiess unn de dicke Kopp. Da der Druck donn net mehr so von auße uff die Gefäße drickt dehne die sich im Kopp aus unn es gibt Schmerze wie bei Migräne odder wonnde dippedaab bist.
Aach doim Blutdruck fehlt die äussere Stütze vun doine Vene und Arterie unn es Blut „versackt“. Desderweesche hoste donn „Kreislaaf„.

Also alles gonz natierlisch unn Ängscht kriee braaschte donn aach nit.
Leschsde disch e bissje hi unn drinkscht viel, donn is des ratzfatz vorbei..

Nur krieschte Atemnot odder Herzschmerze dodebei donn riefschste die 112 an, donn muss do nachgeguckt werrn.

In eurem Sinne
Basst gut uff Eich uff
Bis demdemnägscht Eiern

„Rhoihesse Doc

Zum Rhoihesse Doc: Hans-Gerald Forg betreibt seine Hausarztpraxis in Mainz-Marienborn.
Es handelt sich dabei um eine Schwerpunktpraxis für Schmerztherapie und Palliativmedizin, Forg ist Facharzt der Allgemeinmedizin; Notfall- und Palliativmedizin, FK Geriatrie, Tauchmedizin (GTÜM) und er betreibt suchtmedizinische und psychosomatische Grundversorgung, die Praxis ist eine Substitutionsstelle.
Seine Praxis wird regelmäßig zu den TOP5 in Mainz bei Jameda gewählt.
Seit 1999 ist Herr Forg leitender Notarzt des Kreises Alzey-Worms